Djöfullinn danskur!

Ja nú lágu sumir (ekki danir) í því! Kom seint heim og fór eitthvað að flakka á milli sjónvarapsstöðva og datt inn í fótboltaleik á DR I. Staldraði aðeins við og viti menn, verið að sýna upptöku frá leik Man.Utd. gegn Evrópuúrvalinu. (Er forfallinn fótbolta og Man.Utd. fan) Leiknum í raun lokið en danirnir með upptöku 45 mín á eftir rauntíma. Horfði á leikinn til loka og hafði gaman af enda skemmtilegur þó aðeins væri um vináttuleik að ræða, mikið fjör og góð tilþrif þó menn væru ekki að fórna sér í neina vitleysu. Gæti alveg trúað þessum snillingum, Lippi og Fergie að hafa fyrirfram ákveðið úrslitin og látið það líta sannfærandi út. Og jafnvel að Fergie hafi ráðið hverjir fengju að skora og þar væri Gerrad Liverpool ekki á meðal, svo klaufalegir og ólíkir honum voru tilburðir hans í þessum leik. Það sem er hinsvegar merkilegast við þetta frá mínum bæjardyrum séð er það að ég horfi annars aldrei á danskt efni í sjónvarpi, hlusta aldrei á neitt danskt efni, kaupi aldrei danska vöru, fer aldrei til Köben ótilneyddur þó margir telji það toppinn á tilverunni og vil sem minst af þessari þjóð vita, einfaldlega vegna þess að mér er einfaldlega illa við dani. Veit ekki af hverju. Eitthvað úr fyrra lífi kanski. Lét mig samt hafa það að fylgjast með þessari útsendingu til enda en skrúfaði bara niður í leiðinlegum danska þulinum sem bullaði látlaust á þessu hræðilega tungumáli. Úff, eftirá átti ég hreinlega í sálarstríði og trúði því ekki að ég hefði horft á DR I í heilar 45 mínútur. Brotið hafði verið blað í minni sögu. Vona að ég upplifi það ekki í bráð og lengd. 

Bloggvinir

Sæll Sverrir.

Var að velta því fyri rmér hvað það þýðir að eiga sér bloggvin. Sé allt sem þú lætur frá þér fara en get ekki haft beint samband við þig. Til hvers er þetta bloggivnasamband þá?

Bakkað yfir tré.

Er þetta ekki bara frábært. Hvar skyldi hún hafa stoppað ef ekki hefði verið járnvarið tré fyrir???

Bakkað yfir tré á Skólavörðustíg

Margur verður af aurum api.

Er hérna með frábært tilboð til þeirra sem hafa áhuga. Var nefnilega að fá tilkynningu um að póstfangið mitt hefði verið dregið út úr 1 miljón póstfanga um heim allan og unnið u.þ.b. 70 millur, takk fyrir! Þarf ekkert að borga til að fá vinninginn, bara gefa upp fullt nafn, heimilisfang og símanúmer!!! Húrra. Að vísu er ég svo varaður við að segja nokkrum frá þessu áður en ég hef gefið umbeðnar upplýsingar og fengið vinninginn greiddan, til að koma í veg fyrir að einhverjir plebbar steli vinningnum frá mér. Með fylgir síðan ákveðin töfraformúla (talnaruna) sem ég á að gefa upp til að fá vinninginn. Þarf svo líklega að gefa upp eitthvað banka og reikningsnúmer til að leggja vinninginn inn á, eða skyldi ég geta fengið ávísun upp á 70 millur í póstinum? Þetta er pottþétt. Engu að síður er þessi vinningur til sölu hverjum þeim sem áhuga hefur á fyrir "aðeins" 10 % eða 7 millur. Bara svara þessu maili og gefa upp símanúmer og ég mun hringja um hæl og afhenda töfraformúluna þegar gengið hefur verið frá greiðslu. Nógur tími er til stefnu til að hugsa sig um því enn eru 24 dagar þangað til frestur til að sækja vinninginn rennur út. Það er hinsvegar engin ástæða til að vera að drolla yfir því að sækja 70 millu vinning. Eða hvað????

Lögreglan ítrekar aðvaranir sínar vegna gylliboða á netinu

Gott mál.

Já, hann er óborganlegur kallinn. Setti bara "aðalinn" á bekkinn og út úr liðinu og sleppti hungruðum varamönnum í slaginn sem kláruðu "verkefnið". Máttum kanski þakka fyrir að lenda ekki í framlengingu en þetta var allt annað og betra en "aðallinn" sýndi á Old Trafford. Vildi gjarnan sjá Óla Gunnar oftar inná og hann og Saha eru flottir saman þarna frammi. Held að kallinn ætti að láta þá byrja á laugardaginn svona til að hrista aðeins upp í "aðliðnum".

Manchester United marði Reading

Magnað!

Alveg er hann óborganlegur, kallinn. Mætir á Old Trafford með sitt sterkasta lið sem virtist ganga til leiks með hangandi haus og uppskáru samkvæmt því þar sem íslenskur pjakkur af varamannabekk Reading stal senunni með glæsilegu skallamarki innan um allar stórstjörnurnar eins og frægt er. Var á vellinum og sá þetta með eigin augum og heyrði hvernig þögn sló á þennan magnaða völl. Ætlar svo bara að mæta sallarólegur með varaliðið til að klára þetta á HEIMAVELLI Reading. Góður! Hvað skyldi hann vera að pæla? Sýna stjörnunum að hann treysti varamönnunum betur til að klára verkefnið eða???  Er hann svo upptekin af deildinni og meistaradeildinni að honum sé sama hvernig fer í bikarkeppninni? Nei. Örugglega væri hann til í að endurtaka þrennuna. Gleymum ekki að þeim félögum í Reading þætti nú ekki leiðinlegt að slá út Man.Utd og komast áfram í næstu umferð. Þeir eru til alls líklegir, þetta spútniklið úrvalsdeildarinnar í vetur. Sennilegast er þó að sá gamli sé að spara kappana fyrir átökin við Liverpool á laugardaginn. Þann leik ætlar hann örugglega að vinna og komast 12 stigum yfir Chelsea... í bili. Það verður hinsvegar þrautin þyngri því Púllararnir þurfa nauðsynlega 3 stig í slagnum við Arsenal um 3. sætið. Það verður gaman að fylgjast með þessum leikjum.

Ferguson hvílir ellismellina

Heimsmet.

Í heimsmetabókina með þetta.

Í faðmlögum í 5.000 ár

Frábær frammistaða það.

Ef til vill er það rétt hjá Júlíusi að ástæðan fyrir þessum árangri sé sú að okkur vanti breiddina og því séu sömu mennirnir alltaf í eldlínunni hjá okkur. En er það þá ekki vitnisburður um hve góðir þessir strákar eru að þeir skuli geta leikið leik eftir leik og skorað og skorað. Ég held að málið sé einfaldlega það að við eigum heimsklassa sóknarlið sem vantar aðeins öflugri varnargetu til að standa á verðlaunapalli. Þetta lið er aftur og aftur að skora yfir 30 mörk í leik en tapa þeim samt. Sjáið leikinn í dag, 36 mörk dugðu skammt til sigurs. Af hverju ekki? Hinir skoruðu fleiri. Það er saga liðsins á þessu móti. Þeir hafa leikið heimsklassa sóknarleik en tapað á vörninni. Nú þarf að taka til hendinni og búa til heimsklassa varnarlið eins og Svíarnir áttu á sinum gullaldarárum. En, hvar eru þeir annars? Sitja bara heima af því að Íslendingar voru betri, takk fyrir. Nú setjum við bara kúrsinn á að tryggja þáttökuréttinn í næsta stórmóti og gerum bara betur þar og aðeins meira ef það er það sem þarf. Áfram Ísland, við erum stolt af ykkur, enda eruð þið langflottastir og bestir.

P.s. Vill einhver hugsa til þess að við hefðum lent í því að leika um 13. - 18. sætið. Skoðið liðin sem lentu í því.

HM: Fimm Íslendingar á meðal tíu markahæstu

Vendipunkturinn.

Það er bara staðreynd að tapið gegn Dönum var vendipunkturinn í þessu móti fyrir strákana. Að hugsa sér að standa á þröskuldi þess að fara upp í leiki um verðlaunasæti eð niður í leik um 5-8 sæti og tapa. Það hlýtur að vera sárt. Enda hafa okkar menn ekki náð sér á strik eftir þann leik. En,... skoðum aðeins umhverfið. Í hvaða hópi eru þeir þarna? Heimsmeistarar og Evrópumeistarar og fyrrum heimsmeistarar eru þarna keppinautarnir, ekki amalegur hópur. Segir okkur ýmislegt um þann klassa sem okkar menn eru í. Frábæru móti er að ljúka og hafa strákarnir veitt okkur margar ógleymanlegar stundir þar sem leikurinn við Frakka trónir á toppnum. Það er gaman að heyra Guðjón tala um framtíðina og einnig Snorra Stein. Þeir ætla sér greinilega stóra hluti í framtíðinni og ég vil taka undir með þeim. Við förum bara alla leið næst. Ótrúlegt hvað þessi litla þjóð hér norður í ballarhafi getur endalaust ungað út heimsklassa handboltamönnum. Þeir bíða í röðum og banka á dyrnar. 

Guðjón Valur: Tapið fyrir Dönum situr djúpt í okkur

Landsliðið og Arnór.

Ég get ekki varist því að hugsa til Arnórs Atlasonar í þessu móti og öðrum stórmótum sem hann hefur tekið þátt í. Það er verulega slæmt að hann skuli ekki ná sér á strik eins frábær og hann er. Hann er að brillera í Danmörku með sínu félagsliði en þegar kemur að stórmótum eins og þessu þá nær hann sér ekki á strik og leikur langt undir getu. Það er eins og hann hafi einhverja minnimáttarkend gagnvart stórmótum. Nú verður hreinlega að fara að lækna drenginn af þessu því við munum þurfa á honum að halda í framtíðinni til að byggja upp landslið með mikla breidd. Er það bara mín skoðun eða eru fleiri sömu skoðunar að rétthenta skyttustaðan hafi löngum verið veik hjá okkur. Hinu megin virðumst við alltaf hafa góðar skyttur, Siggi Sveins, Kristján Ara, Ólafur og Einar Hólm svo þeir síðustu séu nefndir en ég man ekki eftir neinum vinstra megin nema Patta, en hann var öflugur en átti það til að vera mistækur, skemmtilega kærulaus. Logi Geirsson er að koma þarna inn eins og stormsveipur og lofar góðu, djarfur og óttalaus og virðist hafa sjálfstraustið í lagi, heldur bara áfram að skjóta þó skotin klikki. Hann virðist ekki efast um sjálfan sig og sína getu, hefur óbilandi sjálfstraust og ber enga virðingu fyrir andstæðingnum, er alla vega ekki hræddur  við hann. Arnór, farðu að hrista af þér þennan draug og trúa á þig og þína getu. Þú getur svo miklu betur.