Hafís á Dýrafirði.

Já þetta er með ólíkindum. Á sama tíma og vorblíðan ríkir á miðjum Þorranum í Dýrafirðinum og við drekkum sólarkaffi til að fagna því að aftur fari að sjást til sólar yfir vestfirsku fjöllin skuli landsins forni fjandi læða sér hér inn og loka siglingaleið. En fátt er svo með öllu illt að ekki fylgi nokkuð gott. Kannski við taki hafístímabil með frosti og stillum og sólskini upp á hvern dag. Verum bjartsýn og horfum á björtu hliðarnar.

Hafís á hraðferð inn Dýrafjörð

Liðsheildin, já.

Það er rétt hjá Alla, það er liðsheildin sem er að gera það sem gera þarf og erfitt að að draga einn öðrum fremur til ábyrgðar fyrir sigri eða ósigri. ALLIR FYRIR EINN, EINN FYRIR ALLA. Það er mottóið í þessari keppni. Sameinaðir stöndum við, sundraðir föllum við. Áfram Ísland.

Alfreð: „Sýndum frábæra liðsheild“

Þýskaland - Ísland.

Rétt hjá Óla, leikurinn a morgun skiptir miklu máli því hann ræður því hverjir mótherjarnir verða á leið okkar í 4 liða úrslitin en þangað ætlum við okkur að sjálfsögðu. Nú getum við þó farið afslappaðir í þann leik og leikið hann af fingrum fram á meðan öll pressan verður á þeim þýsku.

Það verður gaman. Ég er löngu búinn að spá því að strákarnir vinni þann leik og skemmti sér og okkur alveg konunglega. Ég spáði því strax eftir leikinn við Frakkana að strákarnir færu alla leið í fjögurra liða úrslitin að þessu sinni og ætla að halda mig við það. Áfram strákar, þið eruð langflottastir og bestir, þó ekki sé miðað við hina margfrægu höfðatölu!! Og koma svo strákar, tökum þjóðverjana og höfum gaman af. Einn fyrir alla og allir fyrir einn.

Áfram Ísland.

Ólafur Stefánsson: Sigurinn var sanngjarn

Frábært. Til hamingju!!"!

 Léku lengst af sem sá sem valdið hefur. Auðséð að þennan leik ætluðu okkar menn að vinna. Rosalega mikilvægur sigur því nú getum við farið í leikinn við þjóðverjana alveg afslappaðir og notið þess að stríða þeim. Strákar, ég treysti ykkur alveg til að vinna þann leik og auðvelda ykkur þannig leiðina í 4. liða úrslitin! Illmögulagt að taka einn framyfir annan en markverðirnin voru frábærir og Logi Geirs var jafn klikkaður og hann hefur verið og minntu taktar hans oft á gamla manninn og yljaði manni. Þið verðið samt að fara að vinna meira í því að halda fengnum hlut. Þetta, að tapa alltaf niður góðri forystu er áhyggjuefni. Leikurinn er ekki búinn fyrr en hann er búinn. En..... sigur er sigur þó aðeins sé eitt mark í plús. Þennan leik áttuð þið þó að vinna með 4-5 mörkum eins og leikinn við pólverjana. Nú er framundan að hafa gaman af því sem þið eruð að gera. Þið eruð komnir þangað sem við vonuðumst eftir að þið kæmust. Allt i framhaldinu verður í plús. Þið hafið sannað að þið eruð lang flottastir og bestir. Landslið frá þjóð sem varla telur fleiri íbúa en smáborg þeirra þjóða sem við erum að keppa við. Hvar væri þjóðverjar ef þeir mættu aðeins stilla upp landsliði frá einni borg í þýskalandi sem teldi jafnmarga íbúa og Ísland? Aftur og aftur, Til hamingju strákar, fer ekki ofan af því að þið eruð lang flottastir og bestir, trúið því sjálfir og þá stöðvar ykkur ekkert.

 ÁFRAM ÍSLAND.

Ísland í 8-liða úrslit eftir sigur á Slóveníu

Allt í góðum gír.

Þatta er allt  á réttri leið, nú er bara að setja í gírinn og klára þetta með stæl og senda skilaboð og fara afslapppaðir í leikinn við þá þýsku. strákarnir eru að gera það gott og Birkir Ívar er stórkostlegur.

Íslendingar tveimur mörkum yfir í hálfleik

Töf en... ekkert klúður

Nei, ónei Óli. Það var ekkert klúður í gangi hér nema kanski klúður hjá dómurununm.

Að vísu hefði nýtingin í hraðaupphlaupunum getað verið betri en að öðru leiti fannst mér liðið leika vel. Í þessum leik var heppnin einfaldlega með Pólverjunum og það mikil en þið lékuð vel, fannst mér. En ég er bara einn af sérfræðingunum á áhorfendabekknum. Þeir eru þekktir fyrir að þykjast oft miklu betri en þjálfari liðsins og vita miklu betur. En af hverju eru þeir þá ekki landsliðsþjálfarar?

Við tökum því bara eins og hverju öðru hundsbiti ( og skjótum svo hundinn) að hafa tapað þessum leik, en.... það er bara smátöf á leiðinni að settu marki. Ég hef ákveðið að líta á ykkur eins og íslenskt veðurfar eftir samlíkingu þína við það og nú er vorveður á Íslandi, hiti, hvasst sumstaðar, hláka! Það er allt með ykkur, við trúum á ykkur og vitum að þið trúið á ykkur. Það hafið þið sýnt okkur. Þessi leikur er að baki og verður ekki endurtekinn, gleymum honum, "gott minni gleymir því sem skiptir ekki máli". Bogdan Venta sneri á Alfreð og hefndi ófara fyrri ára. Næst eru það Slovenarnir og nú er bara að gíra sig upp fyrir þann leik. Ég hef fulla trú á að liðið vinni þann leik og fari afslappað í leikinn gegn Þjóðverjum á sunnudag og vinni hann líka!  Þvílík er trú okkar hér heima á getu ykkar eftir leikinn við Frakka. Þið þurfið bara að mæta til leiks eins og brjáluð norðan stórhríð og þá stenst ykkur enginn snúning. Sækið styrkinn í íslenska veðrið, eins og þú sagðir og þá verður vígvöllurinn eins og rjúkandi rúst eftir að þið hafið farið yfir. Á morgun ætla ég að óska Pólverjunum sem vinna hjá mér til hamingju en.... segja þeim jafnframt að spyrja að leikslokum. Hvar enda þeir?  Hvar endum við? Mun Venta ná betri árangri en hans forni fjandi Gíslason Alfreð? Þeir háðu marga eftirminnilega hildi hér á árum áður sem flestum lauk með sigri Alla. Er tími Venta loks runninn upp. Ég held ekki. Þið komið í veg fyrir það. Skemmtilegt að þessir fornu féndur skuli nú mættir til  leiks á ný og nú sem herforingjar með sína herdeildina hvor! ha,ha. 

Ólafur: Klúður gegn Pólverjum

Tap þrátt fyrir norðanstorm.

Nú lentum við í krísu, þrátt fyrir stífa norðanátt. Óákveðnir dómarar urðu okkur að falli í þessum leik. Eg hef ekki sé jafn lélega dómara í þessari keppni fram til þessa og vona að þeir fái reisupassan eftir þennan leik. Það sem við máttum ekki gera máttu hiinir gera án athugasemda.

En... þarna tapaðist orrusta en ekki stríðið sjálft.

Við eigum enn eftir tvo sénsa strákar til að komast áfram. Næst eru það Slóvenar og þá tökum við og sendum ákveðin skilaboð til þjóðverja. Við ætlum áfram. Ég er er þegar búinn að segja að Ísland verði eitt af fjórum liðum sem leiki til úrslita í þessari keppni. Áfram strákar, þið eigið helling inni, þið eigið eftir að springa út. Áfram Ísland.  Go on, go, go. Annan leik eins og Frakkaleikinn.

Og koma svo! Enn fyrir alla, allir fyrir einn.

HM: Tveggja marka tap gegn Pólverjum

Áfram með íslenska veðrið.

Eitthvað virtist norðan bálinu hafa slotað í fyrri hálfleiknum svo enn sé vitnað í veðurlíkingar Óla, en í þeim seinni brast hann aftur á af norðan með tilheyrandi stór(skota)hríð og þá var ekki að sökum að spyrja. Það er enginn óhultur í íslensku veðri. Hann kom inn eins og stormsveipur og eitthvað hlaut undan að láta. Allt veðurkerfið fór í gang og stóð ekki steinn yfir steini í Túnis. Þrátt fyrir yfirlýsingar Alla og strákanna eftir leikinn um lélega frammistöðu í fyrri hálfleik hafði maður það einhvernveginn á tilfinningunni að þetta væri allt með ráðum gert, væri bara herkænska. Hvíla Óla og leyfa Túnisbúunum að sprikla og sprengja sig, halda bara vel í við þá og setja svo allt á fullt í seinni hálfleik með Óla sprækan sem lækinn og valta yfir þá. Allavega leit þetta svona út í sjónvarpinu mínu og alveg gæti ég trúað herforingjanum Alfreð til að plana orrustuna svona. Mér fannst allan fyrri hálfleikinn að þetta væri ekki spurningin um sigur heldur á hvaða tímapunkti látið yrði til skarar skríða, hvenær gagnsóknin hæfist. Allavega gekk þetta alveg eftir hvort sem það var nú planað eður ei. Hvað um það, þetta var enn einn gleðigjafinn frá þessari frábæru herdeild. Áfram með norðangarrann þó á Íslandi geysi nú óvænt vorblíða, allavega hér hjá mér. Til hamingju strákar með árangurinn hingað til.  

Áfram Ísland!

HM: Ísland lagði Túnis með sex marka mun

Nú byrjar ballið! Nú skal dansinn hefja.

Það veður að viðurkennast að ég hafði ekki mikla trú á okkar mönnum gegn Frökkunum og sagði við kunninngjana að liðið sem tapaði fyrir Úkraínu ætti ekki séns í þá. En, þvílíkur viðsnúningur. Það var allt annað lið sem kom til leiks eftir þann leik. Hvað skeði, hvernig liðið gat rifið sig upp úr svartnættinu sem mér fannst blasa við veit ég ekki en það var stórbrotið. Íslenska landsliðið í þessari íþrótt, ekki bara þetta heldur öll hin fyrri, hver sem hefur stjórnað þeim og hverjir sem hafa skipað þau, er að vísu þekkt fyrir að láta okkur stuðningsmennina engjast sundur og saman í óbærilegri spennu og sálarangist og fara alltaf Krísuvíkurleiðina að settu marki. Hverjum hefði dottið það í hug eftir leikinn við Úkraínu að við ættum eftir að kjöldraga Frakkana og enda efstir í riðlinum. Ekki mér og þannig má segja að ég hafi eins og margir aðrir brugðist liðinu mínu. Sem betur fer lofaði ég þó ekki að éta ullarhúfuna mína ef.... strákarnir ynnu. Franski þjálfarinn Onesta sagði að  byrjun leiksins hefði verið eins og köld sturta. Hvað þá um það sem á eftir kom? Óli sagði hinsvegar eftir leikinn að íslenska liðið væri eins og íslenska veðrið og allir vita hér hvað það þýðir. Og það var einmitt það sem gerðist, á eftir köldu sturtunni Frakkanna brast hann á af norðan! Það brast á norðan stór(skota)hríð og aumingja Frakkarnir alls óvanir slíku veðri sáu aldrei til sólar og villtust um í stór(skota)hríðinni og vissu hreinlega ekki hvort þeir voru að koma eða fara. Nú vonum við bara að norðanbálinu linni ekki fyrr en yfir lýkur og þá verður uppskeran góð. Næst eru það Túnisbúarnir með sinn villta dans og verða eflaust erfiðir og óútreiknanlegir en ég treysti engum betur en Alfreð til að mótívera strákana og gíra þá upp í þann leik. Hann virðist stundum vera göldróttur.

Áfram strákar, látið norðanbálið og íslensku stór(skota)hríðina geysa áfram næstu daga.

Áfram Ísland. 

Íslendingar hefja leik gegn Túnisum í milliriðli

Fyrsta bloggfærsla

Þessi færsla er búin til af kerfinu þegar notandi er stofnaður. Henni má eyða eða breyta að vild.