Jæja, þannig fór það þá.

Nú er það komið á daginn að tapið gegn Pólverjum var kanske ekki svo slæmt. Allavega veldur það því að við mætum nú Dönum en værum annars að fara að mæta, hverjum? sjálfum heimsmeisturunum? Af þeim tveim kostum finnst mér einhvernveginn Danirnir viðráðnlegra verkefni. Að vísu sögðu strákarnir kokhraustir eftir tapið gegn þýskum í dag að þeim væri nákvæmlega sama hverjir næstu mótherjar yrðu. Danir aftur á móti fagna niðurstöðunni og segjast í dönsku pressunni hafa fengið óskamótherjann en ekki í þeim skilningi að þar færi verðugur mórherji heldur vegna þess að þar hafi þeir fengið léttan mótherja sem verði lítil hindrun á leið þeirra í úrslitaleikinn. Held að þeir telji sig búna að vinna mótið og séu orðnir meistarar. Vona bara að strákarnir eigi eftir að láta þá finna til tevatnsins og éta ofan í sig álit sitt á liðinu. Birkir vildi fá Króatana eða Danina, vonandi fær hann þá bara báða. Fyrst Dani í fjórðungsúrslitum og síðan Króatana í úrslitaleiknum. Ha, ha. Hvernig sem allt fer héðan af hafa strákarnir staðið sig frábærilega og skemmt okkur með leik sínum á þessu móti. Áfram strákar, sýnið nú Dönum hvar Davíð keypti ölið. Sýnið þeim að það er óráðlegt að vanmeta litla Ísland eins og þeir segja gjarnan. P.s. Gaman að hugsa til þess að þegar við verðum búnir að leggja Danina gætum við mætt Pólverjunum aftur. Það yrði eftirminnilegur slagur.

Danir verða mótherjar Íslands í 8-liða úrslitum